FİFA daha bir futbolçunu ağır cəzalandırıb. Apasport.az saytının məlumatına görə, ali futbol qurumu Perunun “San Martin” klubunda forma geyinən Coel Melkor Sançes Aleqriyanı dopinq istifadə etdiyi üçün 2 il futboldan uzaqlaşdırıb.

FİFA-nın İntizam Komitəsi oyunçunun test nəticələrindən sonra qanında qadağan edilən “Methylhexaneamine” adlı maddəni aşkarlayıb. Ali futbol qurumu isə Sançes Aleqriya ilə bağlı qərarını bu gün açıqlayıb. Verilən bu 2 illik cəza 22 yanvar 2013-cü il tarixindən etibarən qüvvədə olacaq.

Qeyd edək ki, FİFA bir müddət əvvəl DÇ-2014-ün seçmə mərhələsində oynanılan Boliviya - Peru (1:1) matçında bir perulu futbolçunun dopinq qəbul etdiyini iddia etmişdir. Adını ictimaiyyətə açıqlanmayan ali futbol qurumu bu oyunçunun qanından götürülən testin cavabının isə müsbət çıxdığını açıqlamışdır.

• Maldini "Fənərbaxça" üçün İstanbulda: Safi ilə görüşdü
• "Fənər"in futbolçusu ölkəsinə qayıda bilər
• “Qalatasaray” “Benfika”ya “yox” dedi
• Cəza ona kəsildi: "Milan"da Alleqri dövrü rəsmən bitdi
• Robertson "Tottenhem"lə anlaşdı