“Rəvan” “Bakı” ilə oyunda ilk qələbəsini qazanmaq istəyir

02.03.2013 - 17:11

Topaz Premyer Liqasının təsnifat mərhələsinin son turu sabah keçiriləcək. Apasport.az saytının məlumatına görə, "Rəvan” "Bakı”nın qonağı olacaq. “Uçan aslanlar” kubok matçı da daxil olmaqla son 3 görüşündə heç-heçələri sıraladığı rəqibi axır ki məğlub etmək istəyir.

Belə ki, komandalar arasında indiyə qədər ötən mövsümün kubok oyunu da daxil olmaqla 4 qarşılaşma keçirilib. Maraqlıdır ki, "Bakı” ilk dueldən qalib ayrılandan sonra bütün görüşlərdə "sülh” qeydə alınıb: 2 dəfə 0:0, 1 dəfə 1:1. Ancaq iş orasındadır ki, kubokda rəqib penalti seriyasında daha dəqiq oynayaraq 1/4 finala adlamışdı. Bir sözlə, “Rəvan” heç-heçə seriyasına son qoyub "Bakı”nı udmağı fikirləşir.

Ancaq bu matçın “zolaqlılar”ın ilk “altılığ”a düşməsi baxımından çox önəmli olduğunu fikirləşdikdə, “Rəvan”ın bu seriyaya son qoyacağı da çox çətin görünür...