“Qalatasaray”ın yeni transferi Didye Droqba dünən Türkiyə Superliqasının 24-cü turunda Azərbaycan millisinin futbolçusu Ufuk Budakın komandası “Əskişərspor”la qarşılaşmadan sonra oyun haqda yeni klubunda ilk dəfə fikirlərini bildirib. Apasport.az saytının məlumatına görə, Fil Dişi Sahili millisinin üzvü səfərdə 2 xal itirdikləri üçün üzüldüklərini vurğulayıb.

O, rəqib qarşısında “Cim-Bom”un hücumda yaxşı çıxış edə bilmədiyini ifadə edib: “Əskişərspor” çətin bir rəqib idi. Həm də biz çətin bir matç oynadıq. İstanbula bir xalla gəldiyimiz üçün şansımız var. Qol vəziyyəti yaratmaqda çətinlik çəkdik. Bunların hamısını analiz edəcəyik”.

Qeyd edək ki, “Əskişərspor” - “Qalatasaray” matçı 0:0 hesabı ilə başa çatıb.

• Komandanı liqada saxladı: İstefaya göndərildi
• Maldini "Fənərbaxça" üçün İstanbulda: Safi ilə görüşdü
• "Fənər"in futbolçusu ölkəsinə qayıda bilər
• “Qalatasaray” “Benfika”ya “yox” dedi
• Cəza ona kəsildi: "Milan"da Alleqri dövrü rəsmən bitdi