Yığmamızın futbolçusu qeyri-adi hadisənin iştirakçısı oldu

04.03.2013 - 18:52

Azərbaycan milli komandasının futbolçusu David Qarayev şərəfini qoruduğu Rusiyanın “Oik-Enerji” klubunun heyətində qeyri-adi hadisənin iştirakçısı olub. Apasport.az saytının məlumatına görə, U-19-un yarımmüdafiəçisi bir oyunda meydanı tərk etsə də, sonradan geri qayıdıb.

Bu hadisə Xabarovsk təmsilçisinin Qazaxıstanın “İle Saulet” klubu ilə matçında baş verib. Start heyətində meydana çıxan Qarayev 62-ci dəqiqədə əvəzlənib. Lakin matçın 87-ci dəqiqəsində onun özü başqa komanda yoldaşının əvəzinə meydana daxil olub. Futbol qaydalarında buna icazə verilməsə də yoxlama oyunu olduğundan mümkün olub.

Qeyd edək ki, rusiyalılar bu matçda 2:0 hesabı ilə qalib gəlib.