Bekhem səfir təyin edildi

04.03.2013 - 23:02

Qış transfer dövrəsində PSJ ilə mövsümün sonuna qədər müqavilə imzalayan Devid Bekhem Çin futbolunun səfiri təyin edilib. Apasport.az saytının məlumatına görə, asiyalıların İngiltərə milli komandasının sabiq yarımmüdafiəçisi ilə razılaşması, Çində dünyanın ən məşhur idman növünün imicini yaxşılaşdırmaq olacaq.

Bununla bağlı 37 yaşlı futbolçu fikirlərini bildirib: “Belə bir dəvəti almaq mənim üçün böyük şərəfdir. Futbol çox gözəl idman növüdür. Bu bütün dünyada insanlara ilham verir və ailələri birləşdirir. Mən çox şadam ki, bu oyunun yeni pərəstişkarlarının cəlb edilməsi üzərində işləmək imkanına malikəm”.