“Barselona” Asiyada 3 yoldaşlıq oyunu keçirəcək

05.03.2013 - 02:02

“Barselona”nın prezidenti Sandro Rosel komandasının yay planları haqda açıqlama verib. Apasport.az saytının məlumatına görə, Katalonya klubunun rəhbəri “Barsa”nın avqustda Asiyanın 3 şəhərində yoldaşlıq görüşü keçirəcəyini bildirib.

Son La Liqanın qalibi avqustun 4-ü Şanxayda (Çin), 7-si Bankokda (Tailand), 10-da isə Kuala-Lumpurda (Malayziya) azarkeşlərinin qarşısına çıxacaq. Lakin Rosel “Barselona”nın hələlik rəqibləri barədə məlumat verməyib.

Qeyd edək ki, İspaniya nəhəngi öncə iyulun 24-də “Bavariya” ilə yoldaşlıq görüşü keçirəcək.