Sneyder Hollandiyada liderdir

05.03.2013 - 06:10

Hollandiyanın “NuSport” jurnalı 2012-ci ildə ölkənin ən çox gəlir əldə edən idmançılarının adını açıqlayıb. Apasport.az saytının məlumatına görə, bütün idman növlərinin yer aldığı siyahıya “Qalatayasaray”ın yeni transferi Uesli Sneyder başçılıq edir.

İdmançıların maaş və sponsorlardan qazandığı pullar da daxil olmaqla “Cim-Bom”un yarımmüdafiəçisi 12,2 milyon avro ilə bütün rəqiblərini qabaqlayıb.

100 idmançının və 21 futbolçunun yer aldığı siyahının 2-ci pilləsində “Mançester Yunayted”in hücumçusu Robin Van Persi qərarlaşıb. Onun qazancı 11.85 milyon avro olaraq hesablanıb. 3-cü yeri isə 9.4 milyon avro ilə “Bavariya”nın yarımmüdafiəçisi Aryen Robben tutur.