Zəif

05.03.2013 - 13:33

“Neftçi” Azərbaycan Premyer Liqasında təsnifat mərhələsinin ən zəif qalibidir. Apasport.az saytının məlumatına görə, 2008-ci ildən Premyer Liqa adlanan və 2009/10 mövsümündən “altılıq” sistemi ilə keçirilən yarışın təsnifat mərhələsində ən az xal toplayan Böyükağa Hacıyevin yetirmələridir.

“Ağ-qaralar” cəmi 44 xalla mərhələnin qalibi oldular. Bu da Hacıyevin komandasının ən zəif göstəriciyə imza atdığını göstərir. Ən yaxşı nəticə isə 3 il əvvəlki “İnter”ə və ötənilki “Neftçi”yə məxsusdur – 49 xal.

2009/10	İnter	22	15	4	3	36-18	49
2010/11	Neftçi	22	14	6	2	40-9	48
2011/12	Neftçi	22	16	1	5	45-17	49
2012/13	Neftçi	22	14	2	6	47-24	44

İlk “altılığ”a düşmək üçün lazım olan xal da azalıb. Belə ki, bu dəfə cəmi 6-cı – ilk “altılıq”da sonuncu yerin sahibi cəmi 30 xal toplayıb. Bu da eyni pilləni tutanlar arasında ən zəif göstəricidir. Hərçənd, ötən il də, 3 il əvvəl də bunun üçün 35 xal lazım olmuşdu.

2009/10	Neftçi	22	9	8	5	20-14	35
2010/11	Bakı	22	9	6	7	28-21	33
2011/12	Qəbələ	22	10	5	8	27-23	35
2012/13	Bakı	22	6	12	4	24-15	30

Ötən ilki kimi yenə 7-ci olan AZAL bu dəfə də 29 xalla ilk “altılıq”dan kənarda qaldı. “Təyyarəçilər”in son 2 ildəki nəticələri kənarda qalan ilk komandalar arasında daha aşağıdır. 3 il əvvəl 34 xal da 6-cı olmağa kifayət etməmişdi. 2 il öncə isə 31 xal yalnız 7-ciliyə yetərli olmuşdu. Hərçənd, həmin nəticələr cari mövsüm “Bakı”nı kənarda qoymağa kifayət edərdi.

2009/10	Simurq	22	9	7	6	26-21	34
2010/11	Qəbələ	22	8	7	7	19-14	31
2011/12	AZAL	22	8	5	9	35-36	29
2012/13	AZAL	22	7	8	7	32-25	29

İlk “altılığ”ın 1-ci və sonuncu, həmçinin 2-ci “altılığ”ın 1-ci komandalarının müqayisəsindən sonra autsayderlərin də nəticəsinə nəzər salmaq maraqlı olar. “Kəpəz” nə qədər zəif çıxış etsə də, 2 il əvvəlki MOİK-in yanında daha yaxşı nəticəyə imza atıb.

2009/10	Karvan	22	2	5	15	17-36	11
2010/11	MOİK	22	1	3	18	6-47	6
2011/12	Turan	22	3	2	17	13-33	11
2012/13	Kəpəz	22	2	4	16	12-45	10

Təsnifat mərhələsinin ən məhsuldar və ən az qol vuran komandalarının müqayisəsində “Neftçi”nin indiki nailiyyəti diqqət çəkir. Belə ki, son 4 ildə 2-ci dəfə 22 oyun keçirən komanda 44 və ya daha çox qol vurur. Yəni, orta məhsuldarlıq 2-dən aşağı olmur. Belə göstəriciyə Premyer Liqanın təsnifat mərhələlərində imza atan elə “Neftçi”nin özü idi. Ötən mövsüm 22 matça 45 dəfə fərqlənən bakılılar həmin rekordu 2 qol da üstələyib. 4 mövsümün ən az qol vuranları arasında isə MOİK seçilir – 6 qol.

	ən məhsuldar		ən az qol vuran
2009/10	İnter	36	Muğan	12
2010/11	Neftçi	40	MOİK	6
2011/12	Neftçi	45	Turan	13
2012/13	Neftçi	47	Kəpəz	12

Ardıcıl 2-ci dəfə təsnifat mərhələsində ən az qol buraxan “İnter” oldu. Lakin bakılılar ötənilki rekordlarından çox uzaq qaldı. “Kəpəz” isə 1 il əvvəlki kimi çox qol buraxmaqla fərqləndi. Lakin gəncəlilər MOİK-in 2 il əvvəlki durumundan daha yaxşı vəziyyətdədir.

Qeyd edək ki, 1995/96, 1998/99 və 2001/02 mövsümlərində də “altılıq” sistemi tətbiq olunub. Lakin həmin vaxtlar çempionat Premyer Liqa adlanmırdı.