Avropanın milli liqalarının ən məhsuldar futbolçusuna verilən “Qızıl buts” mükafatına iddia edənlərin siyahısı açıqlanıb. Apasport.az saytının məlumatına görə, siyahıya “Barselona”nın İspaniya çempionatındakı oyunlarında 45 qol vuran Lionel Messi başçılıq edir. 90 xalı olan argentinalı ən yaxın izləyicisini 22 xal qabaqlayır.

Ən azı 26 xal toplayanların 79 nəfərlik siyahısında Azərbaycan çempionu “Neftçi” də təmsil olunub.

26 qolla Topaz Premyer Liqasının ən yaxşı bombardiri olan Nikolas Kanales 67-ci yerə şərik olanlar sırasındadır. Çempionatımızın əmsalı 1-ə bərabər olduğundan çililinin xalı da 26-dır. O, məşhur simalardan Tomas Müller (“Bavariya”), Alberto Cilardino (“Bolonya”) və Stefan Yovetiç (“Fiorentina”) kimi oyunçulara şərikdir. Lakin bu ulduzların oynadığı çempionatların əmsalı 2-yə bərabər olduğundan, onlar 26 xalı 13 qolla qazanıb.

Daha çox xal toplayanlar, əslində az qol vursalar da, çempionatının əmsalı hesabına öndə qərarlaşıblar. Kanalesdən çox fərqlənənlərin sayı isə cəmi 10 nəfərdir. Avropanın 11-ci bombardiriyinə isə çililinin 4 şəriki də var. 52 xalla 5-ci olan Robin van Persi (“Mançester Yunayted”) də məhz 26 qola imza atıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu