“Napoli” baş məşqçisi Cennaro Qattuzonu istefaya göndərib.

Apasport.az saytının məlumatına görə, bunu Neapol təmsilçisinin prezidenti Aurelio De Laurentis açıqlayıb.

Klubun sahibi tvitter səhifəsi vasitəsilə çalışdırıcı ilə vidalaşdıqlarını bəyan edib. Buna səbəb A seriyasının son turunda “Verona” ilə heç-heçə edən (1:1) komandanın ilk “4-lüy”ə düşə bilməməsidir. Çempionlar Liqasından kənarda qalmaq Qattuzonun ayrılmasına səbəb olub.

Qeyd edək ki, 43 yaşlı çalışdırıcı 2018/19 mövsümündə “Milan”da eyni aqibətlə üzləşib, komandanın Çempionlar Liqasına vəsiqə üçün 1 xalı çatmayıb.
 

• “Qalatasaray”dan Mikautadze və Dibala açıqlaması
• Dele Alli yeni komandası ilə məşqlərə başlayıb
• "Sportinq"də yeni baş məşqçi
• “Mançester Yunayted” keçmiş futbolçusunu geri qaytara bilər
• "Liverpul" Salahla anlaşmağa yaxındır