La Liqada səfərdə “Real Sosyedad”la qarşılaşan "Barselona" gözlənilməz məğlubiyyətlə üzləşib.

Hans-Dieter Flikin rəhbərlik etdiyi Kataloniya təmsilçisi oyun ərzində çoxsaylı qol imkanları yaratsa da, bunlardan yalnız birini dəqiq zərbə ilə tamamlayıb. Meydan sahibləri isə iki dəfə fərqlənərək matçı öz xeyrinə başa vurublar.

Apasport.az "Opta"ya istinadla xəbər verir ki, “Barselona” 2006/07 mövsümündən bəri Avropanın ən güclü beş liqasından birində bir oyunda beş və ya daha çox dəqiq qol şansı yaradıb məğlub olan ikinci komanda olub.

Bu nadir göstərici daha əvvəl yalnız "Brayton"un 2020-ci ilin sentyabrında "Mançester Yunayted"lə Premyer Liqa oyununda qeydə alınıb.

Mənbənin sözlərinə görə, “Blauqrana” “Real Sosyedad”la görüşdə 6 dəqiq qol epizodundan yararlana bilməyib. 

• Dibaladan son 20 ilin rekordu
• Afrika Millətlər Kubokunun qalibi bəlli oldu - tarixində ikinci dəfə
• Nani karyerasını bərpa edir
• Tedesko tarix yazdı: “Fənərbaxça”da bunu bacaran üçüncü məşqçi oldu
• “Yuventus”un müdafiəçisi “Yunayted”in hədəfində