"Barselona"nı yox, "Bilbao"nu seçdi – Niko Uilliamsdan 10 illik sədaqət

04.07.2025 - 12:52

Niko Uilliams "Atletik Bilbao" ilə 10 illik müqavilə imzalayıb

Apasport.az xəbər verir ki, İspaniyanın “Atletik Bilbao” klubu gənc hücumçusu Niko Uilliamsla uzunmüddətli müqavilə bağlayıb.

Klubun rəsmi saytının yaydığı məlumata görə, 21 yaşlı futbolçu ilə 2035-ci ilin yayına qədər yeni sözləşmə imzalanıb.

Uzun müddətdir Avropanın aparıcı klublarının, xüsusilə “Barselona”nın maraq dairəsində olan Uilliamsın Kataloniya təmsilçisi ilə razılığa gəldiyi deyilirdi. Lakin gənc futbolçu son anda qərarını dəyişərək, “Atletik”də qalmağı üstün tutub. O, açıqlamasında Bilbaoda olmaq istədiyini bildirib və qərarında ürəyinin səsini dinlədiyini vurğulayıb.

Qeyd edək ki, 2024/25 mövsümündə La Liqada 31 oyuna çıxan Uilliams 6 qol və 11 assistlə yadda qalıb.