Türkiyənin "Beşiktaş" klubunun heyətində ciddi itki baş verib.

Apasport.az xəbər verir ki, İstanbul təmsilçisinin futbolçusu Ernest Muçi sıradan çıxıb. Bu barədə klubun mətbuat xidməti məlumat yayıb.

23 yaşlı vinger Albaniya milli komandasının UEFA Millətlər Liqasının 6-cı turunda Ukrayna ilə keçirdiyi oyunda (1:2) ayaq əzələsində zədələnib. Müalicəsinə başlanılan ön xətt oyunçusu bir neçə həftə yaşıl meydanlardan uzaq qalacaq.

Qeyd edək ki, "Beşiktaş" Ernest Muçini ötən ilin fevral ayında "Legiya"dan (Varşava) transfer edib. Futbolçu bu mövsüm "qara qartallar"ın heyətində meydana çıxdığı 14 rəsmi matçda 4 qol və 2 məhsuldar ötürmə ilə yadda qalıb.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA