Braziliya millisi və icarə əsasında "Real Betis"də uğurlu performans nümayiş etdirən Antoni İspaniyada qala bilər.

Apasport.az xəbər verir ki, "Atletiko Madrid" vingeri transfer etmək istəyir.

Bu barədə İngiltərə mətbuatı məlumat yayıb.

Mənbənin məlumatına görə, Madrid təmsilçisi yayda Antoninin müqavilə ilə məxsus olduğu "Mançester Yunayted"lə danışıqlara başlamağa hazırlaşır.

Komanda 26 yaşlı oyunçu üçün "qırmızı şeytanlar"a 65 milyon avro ödəməyə hazırdır.

Xatırladaq ki, "Mançester Yunayted" Antonini "Betis"ə bu ilin yanvar ayında icarəyə verib.

Qeyd edək ki, Braziliya millisinin üzvü La Liqa təmsilçisinin heyətində meydana çıxdığı 13 rəsmi matçda 4 qol, 4 assistlə yadda qalıb.

• Premyer Liqadan La Liqaya
• “Real” yetirməsi ilə müqavilə yenilədi
• “Nyukasl” İsakın əvəzedicisini tapdı
• “Arsenal” “Leypsiq”in forvardı ilə maraqlanır
• “Siti” Gündoğanın əvəzedicisini İtaliyada tapdı