Premyer Liqa nəhəngləri “Yuventus”un hücumçusu Kenan Yıldızla bağlı planlarından geri çəkilmir.

Apasport.az xəbər verir ki, “qoca sinyora” 20 yaşlı futbolçunu daha yaxşı şərtlərlə yeni müqavilə imzalamağa razı salmağa çalışır. Lakin İngiltərə klubları gənc türk hücumçunu heyətlərinə qatmaqda israrlıdırlar. 

“Çelsi” və “Arsenal” Kenan Yıldızın agentləri vasitəsilə futbolçu ilə əlaqə saxlayır və mümkün transferi müzakirə edirlər.

Bildirilir ki, hücumçu hələlik gələcəyi ilə bağlı yekun qərar verməyib.

Qeyd edək ki, “Transfermarkt” portalı Kenan Yıldızın bazar dəyərini 75 milyon avro olaraq qiymətləndirir. Gənc hücumçu bu mövsüm “Yuventus”un heyətində bütün turnirlər üzrə 21 oyunda 6 qol vurub və 6 məhsuldar ötürmə edib.

• “Sabah” “Qarabağ”ı “taxtdan saldı” - YENİLƏNİB
• “Finalissima”nın tarixi bəlli oldu
• Sabiq “fənər”li “Brayton”da noyabrın ən yaxşısı seçildi
• Niderland millisinin üzvü “fənər”in radarında
• Portuqaliyalı futbolçu Səudiyyə Ərəbistanı klubundan ayrılacaq