“Hədəfinizə çatmaq üçün bir çox variant var. Yol bəzən o qədər də düz olmaya bilər. Əsas ora necə çatmaqdır”.

Apasport.az saytının məlumatına görə, bunu Portuqaliya millisinin kapitanı Kriştiano Ronaldo deyib.

37 yaşlı hücumçu DÇ-2022-nin pley-offunda Türkiyə (3:1) və Şimali Makedoniya (2:0) üzərində qələbə qazanaraq final mərhələsinə vəsiqə qazanmalarına münasibət bildirib. O, 5-ci mundialına böyük həvəslə yollanacağını bildirib: “Portuqaliya ilə 5-ci dünya çempionatıma və 12-ci böyük turnirimə qatılacağam. Qətərə ilk dəfə olduğu kimi, eyni həvəslə, lakin daha güclü ambisiya ilə gedəcəyəm. Hədəfim hamımızın istəyini təmin etmək, qalib gəlməkdir”.

Qeyd edək ki, dünya çempionatı noyabrın 21-dən dekabrın 18-dək Qətərdə keçiriləcək.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu