Karlo Ançelottidən yeni rekord

"Real"ın baş məşqçisi Karlo Ançelotti yeni rekordlara imza atıb.

Apasport.az xəbər verir ki, onun komandası ötən gecə Çempionlar Liqasının pley-off mərhələsinin cavab oyunları çərçivəsində "Mançester Siti"yə qalib gəlib - 3:1. İlk görüşdə də rəqibini məğlub edən (3:2) Madrid təmsilçisi 1/8 finala adlayıb.

"Mançester Siti" ilə cavab matçı Ançelottinin "Real"la çıxdığı 73-cü ÇL oyunu olub. Bu isə "kral klubu"nun tarixinin rekordudur. 

Həmçinin sözügedən cavab oyunu Ançelottinin baş məşqçi kimi ÇL-də ümumilikdə 214-cü matçıdır. Mütəxəssis bu oyunlardan 123-də qalib gəlib, 47 dəfə heç-heçə edib və 44 dəfə uduzub. 

Ançelottinin ÇL-də uğur qazandığı komandalar

65 yaşlı çalışdırıcı Avropanın əsas klub turnirində "Real"dan başqa, "Napoli", "Bavariya", PSJ, "Çelsi", "Milan", "Parma" və "Yuventus"la da qələbələr qazanıb.

214 oyunda 123 qələbə nəticəsi ÇL tarixinin ən yaxşı göstəricisidir. 

• Rafa Silva “Əl-Əhli”nin transfer hədəfindədir
• “Çelsi” Jorjinyo Rutter transferi üçün hərəkətə keçib
• Ederson Premyer Liqaya keçə bilər – “Mançester Yunayted” əsas namizəddir
• Səudiyyə Ərəbistanı təmsilçisi Vinisiusdan əl çəkmir – Braziliyalı ulduz getmək istəmir
• Almaniyalı qapısını tərk edib komanda yoldaşlarına kömək etdi - VİDEO