“Milan” iki futbolçusunu icarəyə verib.

Apasport.az xəbər verir ki, bu barədə klubun rəsmi saytı açıqlama yayıb.

Müdafiəçi Marko Pelleqrino "Salernitana"ya keçib. 21 yaşlı argentinalı futbolçu iyunun sonuna kimi yeni komandasının uğurları üçün çalışacaq. Oyun praktikasının azlığından əziyyət çəkən gənc oyunçu bu mövsüm cəmi 1 oyunda meydana çıxıb. 

“Rossonieri”nin hücumçusu Çaka Traore isə "Palermo"ya göndərilib. 19 yaşlı forvard mövsümü sözügedən komandada tamamlayacaq. Razılaşmaya əsasən, “Palermo” Traoreni daimi əsasda transfer edə biləcək.