İtaliya A seriyası təmsilçilərindən “Milan”ın danimarkalı futbolçusu Simon Kayer yeni mövsümdə klubdan ayrılacaq.

Apasport.az xəbər verir ki, Kayerin meneceri futbolçunun yeni mövsümdən etibarən “Milan”da olmayacağını bildirib.

O bu barədə Danimarka mətbuatına açıqlama verib.

Mövsümün sonunda müqaviləsi bitən 35 yaşlı oyunçu "Milan"la yeni müqavilə imzalamayacaq.

Bu mövsüm bütün turnirlər daxil olmaqla “Milan” formasıyla 24 oyuna çıxan Kayer 2021-2022-ci il mövsümündə İtaliya klubu ilə A seriyası çempionluğunu qazanıb.