“Barselona”nın müdafiəçisi Ronald Arauxo İngiltərə Premyer Liqasının aparıcı klublarının maraq dairəsində qalır.

Apasport.az “Football Insider”-ə istinadən xəbər verir ki, 26 yaşlı futbolçunun xidmətində həm “Liverpul”, həm də “Çelsi” maraqlıdır.

Hər iki klub Arauxonu 2026-cı ildə transfer etməyi planlaşdırır. Ancaq “Barselona”nın yaxın aylarda – xüsusilə də, yanvar pəncərəsində onu satmağa razı olacağı inandırıcı görünmür.

Uruqvaylı futbolçu ilə Kataloniya klubunun müqaviləsinin müddəti 2031-ci ilin yayına qədərdir.

Arauxo Hans-Diter Flikin rəhbərliyi altında bu mövsüm “Barselona”nın heyətində 7 matçda meydana çıxıb və 1 qol vurub. Onu transfer etmək istəyən hər iki klub “Qarabağ”ın UEFA Çempionlar Liqasındakı rəqibləridir.

• Mbappe ulduz futbolçunu "Real Madrid"ə dəvət edib
• "Yuventus" Kenan Yıldızla anlaşıb
• Yamal üçün futbol tarixinə düşəcək təklif
• Okan Buruk açıqladı: 2 həftə daha meydandan kənarda qalacaq
• Super Liqada yeni baş məşqçi