La Liqanın XVII turunda “Qranada” ilə qarşılaşan “Real” 5:0 hesablı qələbəyə sevinib. Apasport.az saytının məlumatına görə, bu, “kral klubu”nun bütün turnirlərdə keçirdiyi 39-cu məğlubiyyətsiz oyun olub.

Əldə etdiyi nəticə ilə madridlilər “Barselona”nın ötən il göstərdiyi nəticəni təkrarlayıblar. Belə ki, kataloniyalılar da ötən il bu qədər oyunda məğlubiyyət üzü görməmişdi.

Əgər İspaniya Kral Kubokunun 1/8 final mərhələsinin cavab oyununda “Sevilya”ya uduzmasalar (12 yanvar) Zinəddin Zidanın yetirmələri bu sahədə mütləq rekordçu olacaqlar.

Qeyd edək ki, “Real” La Liqada XVII turdan sonra keçirdiyi 16 oyunda topladığı 40 xalla turnir cədvəlində liderlik mövqeyində qərarlaşıb.

• Konte gələcəyi ilə bağlı iddialara aydınlıq gətirdi
• Oliver Kan: “Harri Keyn "Qızıl top"a layiqdir”
• “Roma”nın kapitanı sıradan çıxdı - 2 ay oynamayacaq
• Müflis olan klub 250 min avroya tarixi adını və loqosunu geri aldı
• Pepe Kloppu “Barselona” azarkeşinə çevirib – MARAQLI ETİRAF