“Yüksək təşkilatçılığa və qonaqpərvərliyə görə AFFA-ya minnətdarlığımı bildirirəm. Elit-raund öncəsi bizim üçün yaxşı hazırlıq oldu”. Apasport.az saytının məlumatına görə, bu sözləri 17 yaşadək qızlardan ibarət Macarıstan yığmasının baş məşqçisi Dorotiya Şumi deyib.

Bakıda təlim-məşq toplanışında olan macarıstanlıların çalışdırıcısı bu gün Azərbaycan yığması ilə keçirilən yoxlama matçı haqda fikirlərini açıqlayıb. Şumi 1:0 hesablı qələbədən razı qaldığını qeyd edib: “Oyuna gəlincə, bərabərsəviyyəli mübarizənin şahidi olduq. İlk oyunla müqayisədə bu dəfə daha çevik və əzmkar komanda ilə qarşılaşdıq. Gənc futbolçulardan təşkil olunan Azərbaycan yığmasına gələcək oyunlarda uğurlar arzulayıram”.

Qeyd edək ki, Macarıstan yığması ilk oyunda 3:0 hesabı ilə qalib gəlmişdi. 

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”