FİFA milli komandaların reytinq siyahısını açıqlayıb. Apasport.az saytının məlumatına görə, hesabında 253 xal olan Azərbaycan yığması 137-ci yerdə qərarlaşıb.
Komandamız bu mövqeni eyni xala malik Anqola ilə bölüşür. Robert Prosineçkinin yetirmələri ötən ayın 2-də açıqlanan siyahı ilə müqayisədə 1 pillə irəliləyib. Buna səbəb komandamızın 1 xal qazanmasıdı.
Yığmamız hesabat dövründə Kanada ilə keçirdiyi yoxlama matçındakı 1:1 hesablı heç-heçədən sonra aktivini artırıb. Avstriyada keçirilən təlim-məşq toplanışındakı bu oyunadək yığmamız 252 xalla 138-ci yerdə idi. Komandamız ötən ayla müqayisədə 14 pillə geriləyən Sudanı və mövqeyini 6 addım pisləşdirən Vyetnamı arxada qoyub. Əvəzində sıçrayışa nail olan Kurasaodan geri düşüb.
Dünyanın 14-cü “onluğ”u
131 (108). Madaqaskar – 273
132 (125). Efiopiya – 270
133 (107). Malavi – 269
134 (154). Kurasao – 261
135 (120). Filippin – 256
136 (89). Farer adaları – 254
137 (138). AZƏRBAYCAN – 253
137 (123). Anqola - 252
139 (125). Dominika Respublikası – 243
139 (139). Makedoniya - 243
139 (133). Vyetnam - 243
Dünyanın ən güclü 10 komandasının mövqeyində də ciddi dəyişiklik olmayıb. İlk “beşlik” toxunulmaz qalıbsa, Fransa ilə İtaliya 10 ən yaxşı arasına yüksəlib. Uruqvayla Avstriya isə mövqeyini əldən verərək aşağı pillələrə düşüb. AÇ-2016-nın qalibi Portuqaliya isə 2 pillə yüksəlmək sayəsində 6-cı yerədək irəliləyib.
İlk “onluq”
1 (1). Argentina – 1585
2 (2). Belçika – 1401
3 (3). Kolumbiya – 1331
4 (4). Almaniya – 1319
5 (5). Çili – 1316
6 (8). Portuqaliya – 1266
7 (17). Fransa – 1189
8 (6). İspaniya – 1165
9 (7). Braziliya – 1156
10 (12). İtaliya – 1155
Millimizin DÇ-2018-in seçmə mərhələsindəki rəqiblərindən Almaniya və San-Marinonun mövqeyi dəyişməyib. Çexiya, Şimali İrlandiya geri, Norveç isə irəli addım atıb.
DÇ-2018-in seçmə mərhələsi, Avropa zonası üzrə C qrupu
4 (4). Almaniya – 1319
28 (25). Şimali İrlandiya - 822
33 (30). Çexiya - 768
49 (51). Norveç - 588
200 (200). San-Marino – 20
Qeyd edək ki, qonşu Türkiyə yığması Macarıstanla birlikdə 19-cu yerə şərikdi. 1 pillə geriləyən “ay-ulduzlular” 915 xala malikdi.
Oxşar xəbərlər
Ana səhifə
Bütün xəbərlər