SSRİ millisinin və Kiyev “Dinamo”sunun sabiq qapıçısı Viktor Çanov vəfat edib. Apasport.az saytının məlumatına görə, 58 yaşlı futbol veteranı fevralın 8-də axşam saatlarında ölüb.

Zəngin karyeraya malik Çanov futbolçu kimi “Şaxtyor”, “Dinamo”, “MOİK-Borisfen”, həmçinin İsraildə Hayfa “Makkabi”si və “Bney Yehuda”da çıxış edib. 3 dəfə SSRİ, 1 dəfə İsrail çempionu olan qapıçı ittifaq kubokunun 5 qat qalibidi.

1986-cı ildə Kuboklar Kubokuna yiyələnən “Dinamo”nun qolkiperi olan əlcək sahibi 1988-ci ildə SSRİ yığması ilə AVRO-1988-in gümüşünə yiyələnib. O, 1982-1990-cı illərdə çıxış etdiyi yığmada 21 matçda cəmi 8 qol buraxıb.

Qeyd edək ki, Çanov məşqçilik karyerasında “MOİK-Borisfen”ə rəhbərlik edib və Kiyev “Dinamo”sunda qapıçılarla işləyib.

• PSJ-də ciddi itki - MÖVSÜMÜ ERKƏN BAŞA VURA BİLƏR - YENİLƏNİB
• Qola səbəb olmuşdu, matçın ən yaxşısı seçildi
• “Bavariya” - “Arsenal” matçı bu kanalda - TV AFİŞA
• Flikdən PSJ etirafı: “Bizdən daha güclüdürlər”
• Entoni Teylor Türkiyədə MHK-nın yeni sədri oldu