Topaz Premyer Liqasında 7 futbolçu mövsümü başa vurub. Apasport.az saytının məlumatına görə, XXXV turun qarşılaşmalarından sonra cəzalı duruma düşən oyunçular mayın 21-də baş tutacaq son matçlarda iştirak edə bilməyəcəklər.

Onlardan biri qırmızı, altısı sarı vərəqə limiti üzündən mövsümü başa vurub. “Qarabağ”ın üzvü Eltun Yaqublu “Rəvan”la görüşdə meydandan qovulduğundan AZAL-la son turun matçında, çempionluq kubokunun təqdim olunacağı oyunda meydana çıxmayacaq.

“Təyyarəçilər” isə həmin matça daha ciddi itkilərlə çıxmaq məcburiyyətindədi. Bakılılar 4-cü sarı vərəqəsini alan legionerləri Adan Koronado və Aleksandr Qurulinin xidmətindən məhrumdu. Bu oyunçular “Qəbələ” ilə səfər qarşılaşmasında 4-ə çatıb.

Sonuncuların hücumçusu Ermin Zets isə həmin oyunda 8-ci xəbərdarlığına üzülüb. O, sonuncu turun “Kəpəz”lə səfər görüşündə “istirahət edəcək”.

“Zirə”nin “Kəpəz”lə ev oyununda “sarı” alan Nelson Bonilla da mövsümü başa vurub. 8-ci dəfə xəbərdarlıq edilən salvadorlu son turun “İnter”lə matçını buraxacaq. “Bankirlər” isə 4-ə çatan Laşa Salukvadzenin xidmətindən məhrum olub.

“Sumqayıt” da son tura itki ilə çıxacaq. “Neftçi”ni qəbul edəcək komanda 4-cü dəfə sarı vərəqə alan Bəxtiyar Həsənəlizadəni itirib.

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi