Avrokuboklarda mübarizəni davam etdirən yeganə Türkiyə klubu “Beşiktaş”ın növbəti rəqibi “Olimpiakos” olub. Apasport.az saytının məlumatına görə, Avropa Liqasının 1/8 final mərhələsi rəqiblər arasında ilk duel olacaq.
Belə ki, bu iki komanda indiyədək avrokuboklarda üz-üzə gəlməyib. Lakin “Beşiktaş” Yunanıstan, “Olimpiakos” isə Türkiyə klubları ilə bir neçə dəfə üz-üzə gəlib.
İstanbul klubu 2014-cü ilin payızında “Asteras”la eyni qrupda çıxış edib. Həmin matçlarda qalib müəyyənləşməyib. Hər iki görüşdə qollu heç-heçə qeydə alınıb.
1/16 finalda “Osmanlıspor”u mübarizədən kənarlaşdıran “Olimpiakos” isə “Qalatasaray”la da 3 dəfə qarşılaşıb. Bu 5 görüşdə 1 bərabərlik qeydə alınıbsa, tərəflər hərəyə 2 qələbəyə sevinib. Özü də bütün qələbələr quru hesablı olub.
Ümumilikdə isə iki ölkə təmsilçiləri avrokuboklarda 21 dəfə görüşüb. 9 dəfə Türkiyə, 5 dəfə Yunanıstan klubları qalib gəlib. 7 oyun heç-heçə bitib. “Ağ-qaralar”ın matçında 10-cu – yubiley qələbəsinin astanasında olan qonşularımız 24 top vurub, 20-ni buraxıb.
1995/96, İntertoto kuboku
“Bursaspor” – OFİ – 2:1
2002/03, UEFA kuboku
“Fənərbaxça” – “Panatinaikos” – 1:1, 1:4
2003/04, Çempionlar Liqası (qrupda)
“Qalatasaray” – “Olimpiakos” – 1:0, 0:3
2004/05, UEFA kuboku
“Eqaleo” – “Gənclərbnirliyi” – 1:0, 1:1
2006/07, İntertoto kuboku
“Larisa” – “Kayserispor” – 0:0, 0:2
2007/08, UEFA kuboku (qrupda)
“Panionios” – “Qalatasaray” – 0:3
2008/09, UEFA kuboku (qrupda)
“Qalatasaray” – “Olimpiakos” – 1:0
2009/10, Avropa Liqası (qrupda)
“Panatinaikos” – “Qalatasaray” – 1:3, 0:1
2010/11, Avropa Liqası
PAOK – “Fənərbaxça” – 1:0, 1:1
2014/15, Avropa Liqası (qrupda)
“Beşiktaş” – “Asteras” – 1:1, 2:2
2015/16, Avropa Liqası
“Atromitos” – “Fənərbaxça” – 0:1, 0:3
2016/17, Avropa Liqası
“Osmanlıspor” – “Olimpiakos” – 0:0, 0:3
Oxşar xəbərlər
Ana səhifə
Bütün xəbərlər