“Barselona” daha bir rekorda imza atıb. Apasport.az UEFA-nın rəsmi saytına istinadən xəbər verir ki, Kataloniya təmsilçisi buna Çempionlar Liqasının (ÇL) 1/8 final mərhələsində dünən “Arsenal”la keçirdiyi cavab görüşündən sonra nail olub.

Belə ki, “topçular”a ümumilikdə 5:1 hesabı ilə qalib gələn Luis Enrikenin komandası adını ÇL-in 1/4 final mərhələsinə yazdırıb. Ardıcıl 9-cu dəfə qitənin ən mötəbər klub turnirində 1/4 finala adlayan “Barselona” bununla yeni rekord müəyyənləşdirib. ÇL tarixində hələ heç bir komanda bu göstəriciyə imza atmamışdı.

Dünənki matç “Barselona”nın futbolçusu Lionel Messi üçün də yaddaqalan olub. Belə ki, 1 dəfə fərqlənən argentinalı hücumçu karyerası ərzində “Arsenal”a vurduğu qolların sayını 9-a çatdırıb.

• “Fənərbaxça”nın əfsanəvi qapıçısı vəfat etdi
• Arda Gülər daha 6 il "Real"da – Maaşı artırıldı
• Dövlət Baxçalıdan Hacıosmanoğluya dəstək mesajı - FOTO
• Kontedən “Tottenhem” etirafı: “Məni dəli edən məhz bu idi”
• Arda Gülərdən tarixi rekord – 100 milyon avroya çatdı