“İnter”in futbolçusu Adrian Skarlatake Azərbaycan çempionatlarında 100-cü oyununu keçirib. Apasport.az saytının məlumatına görə, 30 yaşlı müdafiəçi ölkə çempionatımızda 100 oyun səddinə çatan ilk rumıniyalı olub.

O, yubileyini Topaz Premyer Liqasının X turunda qeyd edib. “Sumqayıt”la görüşün (3:1) 85-ci dəqiqəsində Ruslan Abışovun əvəzinə meydana çıxan futbolçu mövsümdə 5-ci, Azərbaycan çempionatında 100-cü dəfə forma geyinib.

Keçirdiyi matçlardan 95-nə “Xəzər Lənkəran” formasında çıxan Adrian 5 mövsüm oynadığı cənubluların heyətində 11 qol vurub. Paytaxt klubundakı 5 qarşılaşmada isə oyun sayını 100-ə, qollarını 12-yə çatdırıb.

Qeyd edək ki, Skarlatakenin debüt oyunu 2011-ci il fevralın 13-nə təsadüf edib. O, həmin gün “Neftçi” və “Xəzər Lənkəran” arasında “Böyük oyun”da meydana çıxıb.

• “Qalatasaray”da ciddi itki – Leaonun zədəsi ilə bağlı açıqlama
• “Çelsi”nin kapitanı əməliyyat olunub
• “Qalatasaray” 15 milyonluq hücumçunu transfer etmək istəyir
• “Milan”ın futbolçusu avrokuboklarda tarix yazdı
• “Qalatasaray”da ayrılıq siqnalı – Yeni transfer getmək istəyir