Avropanın bir neçə ölkəsində çempionların adına aydınlıq gəlib. Apasport.az saytının məlumatına görə, Ukrayna və Gürcüstanda mövsüm başa çatmadan qalibin kimliyi müəyyənləşib.
Kiyev “Dinamo”su “Vorskla”nı 1:0 hesabı ilə məğlub edərək, tarixində 15-ci dəfə ölkə çempionu olub. Sona 3 tur qalmış “Şaxtyor”u 7 xal qabaqlayan paytaxt təmsilçisi Zaporojye “Metallurq”u ilə oyunu qaldığı üçün həmin matçda texniki qələbə əldə edəcək.
Tiflis “Dinamo”su isə “Kolxeti” üzərində 3:1 hesablı qələbə ilə qızıl medalları təmin edib. Sona 4 tur qalmış “Samtredia”dan 13 xal uzaqlaşan paytaxt klubu 16-cı dəfə ölkəsinin ən yaxşısı olub.
Qeyd edək ki, Tiflis təmsilçisi Azərbaycan çempionu kimi Çempionlar Liqasında II təsnifat mərhələsindən başlayacaq. Kiyevlilər isə qitənin ən nüfuzlu klub turnirinin qrupunda oynayacaq.
Oxşar xəbərlər
Ana səhifə
Bütün xəbərlər