“Sumqayıt” rəsmi saytı vasitəsilə yeni transferlərini azarkeşlərlə dəyərləndirib. Apasport.az saytının məlumatına görə, “gənclik şəhəri” təmsilçisi yay fasiləsinin ən uğurlu transferinin kimliyi ilə bağlı sorğu keçirib.

Belə ki, sorğuda 2017-18 mövsümü üçün yeni transferlərdən hansı futbolçunun daha çox uğur qazanacağı ilə bağlı sual ünvanlanıb. 211 azarkeşin iştirak etdiyi sorğuda 27 yaşlı yarımmüdafiəçi Cavid İmamverdiyev 36,9% səs toplayaraq hamını qabaqlayıb.

Qeyd edək ki, “Sumqayıt” mövsümlərarası fasilədə hələlik Tural Axundov, Vüqar Bəybalayev, Cavid İmamverdiyev, Kamal Mirzəyev, Rəşad Eyyubov, Azər Salahlı, Cavid Tağıyev və Ramin Həsənovu heyətinə qatıb.

• Ançelotti Braziliya millisində antirekorda imza atıb
• 19 yaşlı müdafiəçi daha 4 il “Barselona”da - RƏSMİ
• “Barselona” gənc müdafiəçisi ilə bağlı qərar verdi
• “Bolonya” müdafiə xəttini gücləndirdi - RƏSMİ
• Kerem Demirbaydan “Qalatasaray” açıqlaması