[b]“Onların üstün cəhətləri var ki, bunu da təhlil etmişik”[/b]

09.06.2017 - 20:35

“Güclü rəqiblə qarşılaşacağıq”. Apasport.az saytının məlumatına görə, bu sözləri millimizin oyunçusu Cavid Hüseynov deyib.

DÇ-2018-in seçmə mərhələsinin seçmə mərhələsində yığmamız sabah Şimali İrlandiya ilə qarşılaşacaq.

Oyundan əvvəl baş tutan mətbuat konfransında qısa açıqlama verən Hüseynov qarşıdakı matçı dəyərləndirib: “Onların üstün cəhətləri var ki, bunu da təhlil etmişik. Çalışacağıq ki, doğma azarkeşlərimiz önündə uğur qazanaq. Bununla yanaşı, gözəl futbol nümayiş etdirməyi arzulayırıq”.

Qeyd edək ki, Azərbaycan - Şimali İrlandiya matçı sabah saat 20:00-da start götürəcək.