“Viktoriya” klubunun müdafiəçisi David Limberski Çexiya mətbuatına müsahibə verib. Apasport.az saytının məlumatına görə, AÇ-2016-dan sonra Çexiya yığmasındakı karyerasına son qoyan təcrübəli futbolçu söhbət əsnasında Çempionlar Liqasının (ÇL) III təsnifat mərhələsində potensial rəqibləri olan “Qarabağ” haqda da danışıb.
- Yığma ilə vidalaşmağa nə vaxt qərar verdiniz?
- Yazdan bu barədə düşünürdüm. Hətta Avropa çempionatından öncə millidən getmək istəyirdim. Sonda Fransaya yollanmağa qərar verdim. Əfsuslar olsun ki, turnir nə mən, nə də komanda üçün uğurlu alındı. Milli karyeramı qəmgin notlarda bitirdim. Halbuki yığmadan layiqli şəkildə ayrılmaq istərdim. Tezliklə 33 yaşım tamam olacaq. Bir neçə futbolçumuz yığma ilə vidalaşdı. Mən də düşündüm ki, artıq getmək vaxtıdı. Bu yaşda gücümü klub və milli arasında bölmək istəmirəm.
- “Viktoriya”nın heyətində Çempionlar Liqasının qrup mərhələsində oynamış futbolçulardansız...
- Həmin vaxt bu uğura imza atacağımızı düşünmürdük. Amma indi klubun məsuliyyətinin nə qədər böyük olduğunu başa düşürük. Bu, mənim motivasiyamı bir qədər də artırır. ÇL-in qrupuna düşmək şansımızı yenə qaçırmamalıyıq.
- Bu həftə ÇL-in III təsnifat mərhələsindəki rəqibinizi biləcəksiz. Azərbaycan klubu “Qarabağ” haqda fikirləriniz necədi?
- Onlarla 2 il əvvəl yoxlama görüşü keçirmişdik. Əla komandadı. “Qarabağ” bu mərhələdə qarşılaşa biləcəyimiz ən çətin rəqiblərdən biri idi.
- Bundan əlavə, cavab görüşünün keçiriləcəyi Bakı şəhərində öldürücü iqlim olacaq. Orda havanın temperaturu təxminən +40 dərəcədi, bundan əlavə yüksək rütubət var...
- Uzun səfər və hava şəraiti bizə narahatlıq verəcək. Ancaq iş meydanda həll olunur. Bu mənada, şərtlər hər iki komanda üçün eyni olacaq. Təbii ki, cavab görüşündə üzləşəcəyimiz sərt vəziyyətə hazırıq.
- Yeni baş məşqçiniz Roman Pivarniki “Viktoriya”nın öncəki çalışdırıcılarından nə fərqləndirir?
- Pivarnikin öz futbol fəlsəfəsi var. Çox sərt məşqçidi.
Oxşar xəbərlər
Ana səhifə
Bütün xəbərlər
Hesabım