Azərbaycan Premyer Liqasının XXVI turu “Qarabağ”da yubileylə əlamətdar ola bilər. Apasport.az saytının məlumatına görə, Ağdam təmsilçisinin qapıçısı İbrahim Şehiç meydana çıxsa, çempionatda 100-cü oyununu keçirəcək.

Bu hadisə “İnter”lə səfər matçına təsadüf edəcək. İbrahim “İnter Arena”da çempionluq baxımından önəmli görüşdə iştirak etsə, yubiley sevinci yaşayacaq.

2013/14 mövsümündən “Qarabağ”ın formasını geyinən bosniya və herseqovinalı 4 çempionat ərzində 99 matça çıxıb. O, bu görüşlərdə 61 qol buraxıb. Azərbaycanda yalnız bir klubda çıxış edən əcnəbi çempionatdakı bütün oyunlarında da Ağdam təmsilçisinin şərəfini qoruyub.

Əvvəlki 3 mövsümün hamısında çempionluğa sevinən legioner 4-cü qızılının astanasındadı.

Qeyd edək ki, Şehiçin çempionatda debüt oyunu 2013-cü il noyabrın 24-nə təsadüf edib. Həmin gün “Rəvan”la ev matçında qolsuz heç-heçə qeydə alınıb.

• “Mançester Yunayted” Simeoneni transfer etmək istəyir
• "Samsunspor"da baş məşqçi dəyişikliyi – Xorvatiyalı mütəxəssis gəlir
• "Milan" serbiyalı müdafiəçi ilə müqaviləni yenilədi
• Yamal Leminaya cavab verdi – "İndi məni tanıdın?"
• A Seriyasında 26 ilin antirekordu