[b]“Qəbələ” – “Anderlext” oyununun biletləri satışda[/b]

21.11.2016 - 13:21

UEFA Avropa Liqasının qrup mərhələsinin V turu çərçivəsində keçiriləcək "Qəbələ" - "Anderlext" (Belçika) oyununun biletləri satışa çıxarılır. Apasport.az klubun saytına istinadən xəbər verir ki, biletləri bu gün saat 15:00-dan etibarən Tofiq Bəhramov adına Respublika stadionunun ("Gənclik" metrosu yaxınlığı) və 8-ci km. stadionunun kassalarından almaq olar.

Qiymətlər sektorlardan asılı olaraq, 2 və 5 manat, VİP sektorlar üçün isə 10 manatdı.

Qeyd edək ki, noyabrın 24-də keçiriləcək "Qəbələ" - "Anderlext" matçı saat 20:00-da start götürəcək.