Yanvarın 16-dan Türkiyədə təlim-məşq toplanışında olan “Qəbələ”nin əvəzedici komandası ikinci yoxlama oyununu keçirib. Apasport.az saytının məlumatına görə, hazırlıq planında dəyişiklik edilən “qırmızı-qaralar” yerli “Antalyaspor”un əvəzedici heyəti ilə üz-üzə gəlib.

Təmsilçimizin baş məşqçisi Ramin Quliyev bu qarşılaşmada aşağıdakı start heyətinə şans verib:

Murad Popov, Murad Musayev, Tural Məmmərzayev, Amin Seydiyev, Yusif Nəbiyev, Emin Zamanov, Qismət Alıyev, Ramil Hasanov, Roman Hüseynov, Sahil Mirzəyev, Ülvi İbazadə.

Oyunun gedişində Ülvi İsgəndərov İbazadəni, Əziz İsmayılov Seydiyevi, Rövlan Muradov Mirzəyevi, Hacıağa Hacılı Zamanovu, Vəzir Musayev Məmmərzayevi əvəzləyib.

İlk dəqiqələrdən üstünlüyü ələ alan “Qəbələ” oyunun fasiləsinədək rəqib qapısından iki qol keçirib.”Qırmızı-qaralar”ı heyətində Ramil Hasanovla Emin Zamanov fərqləniblər.

Fasilədən sonra isə Rövlan Muradov antalyalıların qapısına yol tapıb. Türkiyə təmsilçisi bu üç qoldan yalnız birinin əvəzini çıxa bilib.

Beləliklə, ilk oyununda Almaniyanın “Ayntraxt” (Frankfurt) klubunun gənclərdən ibarət komandasına 0:1 hesabı ilə uduzan əvəzedicilər hazırlıqları 3:1 hesablı qələbə ilə tamamlayıb. Bu matçla yoxlama oyunlarını başa vuran komanda yanvarın 23-də vətənə dönəcək.

• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb
• “Sent-Etyen”in baş məşqçisi bəlli olub
• Türkiyə Kubokunda püşk atıldı - "Fənərbaxça"nın adı var, amma...