AFFA-nın təşkilatçılığı ilə keçirilən aşağı yaş qrupları üzrə liqalarda növbəti matçlar baş tutub. Apasport.az saytının məlumatına görə, “Qəbələ” Futbol Akademiyasının komandaları müvafiq liqalarda qüvvəsini sınayıb.

U-19 Gənclər Liqasında “İnter”i 4:0 hesabı ilə məğlub etdikdən sonra səfərdə “Səbail”dən güclü olub – 1:0. Üç oyunda 9 xal toplayan “qırmızı-qaralar” yarışın lideridir.

U-17 IV turda “Xəzər Lənkəran”ı qəbul edib. 7:0 hesabı ilə qələbə qazanan komanda 10 xalla 2-ci sırada qərarlaşıb. U-15 səfərdə “Turan”a 6 cavabsız qol vurub. 4 xala malik “Qəbələ” 3-cü pillədə qərarlaşıb.

Şimal-Qərb və Qarabağ regionunun Qəbələdə keçirilən oyunlarında isə U-12, U-11 və U-10 komandaları meydana çıxıb. 12 yaşadək futbolçulardan ibarət “Qəbələ” İsmayıllı UGİM-ini 10:0, UGİM isə Yevlaxın UGİM-ini 5:0 hesabı ilə məğlub edib. 3 turdan sonra “Qəbələ”nin 9, UGİM-in 6 xalı var.

U-11 Liqasındakı komandalar da eyni rəqiblərlə görüşüb. “Qəbələ” İsmayıllı təmsilçisini 13:0, UGİM Yevlaxın komandasını 5:1 hesabı ilə üstələyib. Burada da “Qəbələ”nin 9, UGİM-in 6 xalı var. U-10 Liqasında “Qəbələ” Ağdaşın UGİM komandasını 19:1 hesabı ilə yenib. Digər iki təmsilçimiz Gİİ və UGİM-in duelində birincilər 5:2 hesabı ilə qalib gəlib.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”