Avropa Liqasının pley-off mərhələsinin “Maribor”la avqustun 18-də keçiriləcək ilk oyunu “Qəbələ”nin futbolçusu Vojislav Stankoviç üçün əlamətdar ola bilər. Apasport.az saytının məlumatına görə, Bakıdakı qarşılaşmada forma geyinsə, bu qarşılaşma serbiyalının 40-cı avrokubok görüşü olacaq.

29 yaşlı futbolçu indiyədək qitə kuboklarında 39 matçda 1 qol vurub. Bu oyunlardan 17-si və yeganə qol “Qəbələ” karyerasına təsadüf edib. Stankoviç digər 22 oyunu Serbiya “Partizan”ında keçirib.

Müdafiəçi Çempionlar Liqasında 11 qarşılaşmada iştirak edib. Avropa Liqasında 28 qarşılaşmada forma geyinən futbolçu 1 qol vurub.

Qeyd edək ki, Stankoviç avrokuboklarda 2010-cu ildə debüt edib.

• Harri Keyn Çempionlar Liqasında tarix yazdı – Ronaldonun rekorduna yaxınlaşır
• “Milan”ın futbolçusu əməliyyat olundu
• “Sabah”ın qələbəsi Azərbaycanı UEFA reytinqində yüksəltdi
• Yamaldan “Qalatasaray” etirafı: “İkinci qolları ləğv edilməsəydi...”
• Okan Buruk futbolçularını tənqid etdi: “Oyunu daha yaxşı oxumalıdırlar”