“Qəbələ”nin Avropa Liqasının pley-off mərhələsindəki rəqibi “Maribor” Sloveniya çempionatında növbəti oyununa çıxıb. Apasport.az saytının məlumatına görə, komanda Prva liqanın IV turunda lider “Lyublyana”nı qəbul edib.
Matçda hesabı “Maribor” açıb. 18-ci dəqiqədə Milivoye Novakoviçin qoluna qonaqlar 79-cu dəqiqədə cavab veriblər. Bununla da görüş 1:1 hesabı ilə nəticələnib. 4 turdan sonra xallarının sayını 8-ə çatdıran və hələ də məğlubiyyət üzü görməyən Darko Milaniçin yetirmələri turnir cədvəlinin 3-cü pilləsində qərarlaşırlar. Lider “Lyublyana” isə xal ehtiyatını 10-a yüksəldib.
“Maribor” – “Lyublyana” 1:1
Qollar: Milivoye Novakoviç, 18 – Miha Zayç, 79
“Maribor”un heyəti: Jasmin Handanoviç, Rodriqo Defendi, Marko Şuler, Erik Yanza, Denis Şme, Marvan Kabha, Aleks Piler (Dino Hotiç, 83), Dare Vrsiç, Sanni Omoregie (Markos Tavares, 70), Sintayehu Sallaliç, Milivoye Novakoviç
Oxşar xəbərlər
Ana səhifə
Bütün xəbərlər