Madrid “Real”ı rekord məbləğdə müqavilə imzalamağa hazırlaşır. Apasport.az-ın İspaniyanın “Marca” nəşrinə istinadən məlumatına görə, söhbət futbolçu yox, sponsorluq müqaviləsindən gedir.
Məsələ burasındadı ki, “Real” rəhbərliyi ilə “Adidas” firması arasında sponsorluq müqaviləsinin imzalanması razılaşdırılıb.
Anlaşmaya görə, “Adidas” hər il klubu 140 milyon avro dəyərində futbol geyimləri ilə təmin edəcək. Bura formadan tutmuş, məşq ləvazimatlarına qədər, hər şey daxildi. Müqavilənin müddəti isə 10 illik nəzərdə tutulub. Yəni “Adidas” firması qarşıdakı 10 il ərzində “Real”a 1,4 milyard avroluq xeyir verəcək.
Qeyd edək ki, buna qədər rekord “Mançester Yunayted”ə məxsus idi. “Adidas” firması “mankunianlar”la ilinə 98 milyon avroluq sponsorluq müqaviləsi bağlamışdı.
Oxşar xəbərlər
Ana səhifə
Bütün xəbərlər
Hesabım