Azərbaycan çempionatının I divizionunda çıxış edən “Şəmkir” baş məşqçisiz qalıb. Apasport.az saytının məlumatına görə, ikiqat Azərbaycan çempionu növbəti 5 tura Kamran Əlibabayev olmadan çıxacaq.

Buna AFFA-nın İntizam Komitəsinin qərarı səbəb olub. Belə ki, “Şəmkir” – “Şahdağ” qarşılaşması başa çatdıqdan sonra baş məşqçi hakimlər briqadasını təhqir edib.

Onun hərəkətini bugünkü iclasında müzakirə edən komitə Əlibabayevi 5 oyun cəzalandırıb. Qərblilər çalışdırıcı üçün 500 manat cərimə ödəməli olacaq.

Qeyd edək ki, 2:2 hesabı ilə başa çatan matçın hakimlər briqadasında Elgün Hüseynov, Aleksandr Musatkin, Vüqar Bayramov və Namiq Bəkirov yer alıblar.

• Rafinya bütün rəqiblərini geridə qoydu
• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı