Bu gündən etibarən qış təlim-məşq toplanışını Türkiyədə davam etdirəcək “Sumqayıt” səfər öncəsi daha bir futbolçu ilə yollarını ayırıb. Klubun mətbuat xidmətindən apasport.az saytına verilən məlumata görə, qapıçı Şəhruddin Məhəmmədəliyev “gənclik şəhəri” təmsilçisini tərk edib.

“İnter”dən ayrılan Səlahət Ağayevi heyətinə cəlb edən “Sumqayıt”da Şəhruddinin ehtiyatda qalacağı gün kimi aydın idi. Bunu nəzərə alan tərəflər qarşılıqlı razlıqla müqaviləyə xitam veriblər.

Gənc qolkiper karyerasını çox güman ki, ölkəmizdə davam etdirəcək. Çünki o, “Qarabağ”a keçməyə çox yaxındı.

Qeyd edək ki, buna qədər “Sumqayıt” Elnur Abdulov, Fuad Məmmədzadə, Tural Rzayev və Nuran Qurbanovla yollarını ayırmışdı.

• “Qalatasaray”dan Zəfər Günü paylaşımı - FOTO
• “Qalatasaray”da ciddi itki – Leaonun zədəsi açıqlandı
• Bir qol hər şeyi dəyişdi – “Boka Xuniors” Argentinada çempion oldu
• Osimhen əməliyyat olunub
• Günün oyunları bu kanallarda - TV AFİŞA