“Xəzər Lənkəran” qol həsrətinə son qoyub. Apasport.az saytının məlumatına görə, cənub təmsilçisi Azərbaycan kubokunun 1/4 final mərhələsinin “Neftçi” ilə görüşündə rəqib qapısına yol tapıb.

“Ağ-yaşıllar”ın qış fasiləsində əsas heyətə qatdığı Vaquf Güləliyevin 17-ci dəqiqədə vurduğu qolla 91 günlük həsrət sona çatıb. Belə ki, “Xəzər Lənkəran” son qolunu 2015-ci il dekabrın 2-də vurmuşdu.

Həmin gün kubokun 1/8 final mərhələsinin “Kəpəz”lə ev oyununun taleyini Kamran Abdullazadə həll etmişdi. O, 14-cü dəqiqədə qol sevinci yaşamışdı.

Bu görüşdən sonra 9 rəsmi qarşılaşmaya çıxan “Xəzər Lənkəran” TPL çərçivəsindəki həmin matçlarda qol vura bilməmişdi. Beləliklə də cənubluların 993 dəqiqəlik uğursuz seriyası başa çatıb.

Qeyd edək ki, “Xəzər Lənkəran”ın ancaq TPL-i əhatə edən 12 oyunluq qolsuz seriyası isə davam etməkdədi.

• Rafinya bütün rəqiblərini geridə qoydu
• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı