“Zirə” digər paytaxt təmsilçisi “İnter”in rekordunu təkrarlaya bilər. Apasport.az saytının məlumatına görə, Ayxan Abbasovun yetirmələri bunun üçün avrokuboklarda debütdə mərhələni adlamalıdı.
Avropa Liqasının I təsnifat mərhələsinin sabah keçiriləcək cavab oyununda “Differdanj”la qarşılaşacaq “Zirə” evdə qazandığı üstünlüyü (2:0) qorusa, növbəti raunda adlayacaq. İlk cəhddə belə uğur əldə etmək isə Azərbaycan komandaları üçün nadir hadisədi.
1994-cü ildə qitə səhnəsində ilk matçını keçirən ölkəmizin təmsilçilərindən yalnız biri bunu bacarıb. Əvvəlki 17 klubdan 16-sı debütdə mübarizəni dayandırıbsa, “İnter”in “siftə”si uğurlu alınıb.
Bakılılar 2004/05 mövsümündə “Xəzər Universiteti” adı ilə qatıldığı İntertoto kubokunda Avstriya “Kazino”sunu keçib. Düzdü, səfərdə 0:4 hesabı ilə uduzan təmsilçimizin işinə rəqibin səhlənkarlığı kömək edib.
Adı iştirak ərizəsində olmayan futbolçunu meydana buraxan Breqents klubu bu üzdən texniki məğlubiyyət alıb. “Tələbələr” isə bu üstünlüyü evdə də 2:1 hesablı qələbə ilə artıra bilib.
İndiyədək “İnter” debütdə mərhələ keçən yeganə komandadı ki, sabah buna son qoyula bilər. “Zirə” həmşəhərlilərinin rekordunu təkrarlasa, onların yeganə statusu daşımasına imkan verməyəcək.
Oxşar xəbərlər
Ana səhifə
Bütün xəbərlər