Kolumbiyada keçirilən futzal üzrə DÇ-2016-nın 1/4 final mərhələsində Portuqaliya ilə qarşılaşacaq Azərbaycan millisi tarixində 11-ci dəfə bu rəqiblə üz-üzə gələcək. Apasport.az saytının məlumatına görə, rəqiblər indiyədək 4 dəfə Avropa çempionatlarında, 6 dəfə yoxlama matçında qarşılaşıb.
Qitə çempionatlarındakı görüşlərdən ikisi final, ikisi seçmə mərhələyə təsadüf edib. Baş tutan 10 qarşılaşmada yığmamız rəqibinə qalib gələ bilməyib.
Hesabında 3 heç-heçə olan yığmamız 7 dəfə uduzub. Heç-heçələrdən biri AÇ-2010-nun yarımfinalında qeydə alınıb ki, finalçı oyunsonrası penaltilərlə müəyyənləşib. Pireneylilər bu lotereyada da üstün olub. Bu matçlarda Portuqaliya yığması 40, millimiz 13 top vurub.
Azərbaycan – Portuqaliya: Bütün oyunlar
06.11.2002. AÇSO. Portuqaliya – Azərbaycan – 5:0
23.09.2003. YO. Portuqaliya – Azərbaycan – 2:1
24.09.2003. YO. Portuqaliya – Azərbaycan – 4:1
26.09.2006. YO. Portuqaliya – Azərbaycan – 8:1
27.09.2006. YO. Portuqaliya – Azərbaycan – 5:2
19.03.2009. AÇSO. Portuqaliya – Azərbaycan – 3:3
28.01.2010. AÇ. Azərbaycan – Portuqaliya – 3:3, pen.3:5
01.02.2012. AÇ. Portuqaliya – Azərbaycan – 4:1
17.09.2013. YO. Portuqaliya Azərbaycan – 1:1
18.09.2013. YO. Portuqaliya Azərbaycan – 5:0