Türkiyə Kubokunda 1/4 final mərhələsinin cütlükləri müəyyənləşib. Apasport.az saytının yerli mətbuata istinadən məlumatına görə, turnirin favoritləri sayılan “Fənərbaxça” və “Başakşəhər”in rəqibləri bilinib.
1/8 finalda əzəli rəqib “Beşiktaş” üzərində qələbə qazanan “Fənər” yarımfinal yolunda “Kayserispor”la qarşılaşacaq. “Qalatasaray”ı mübarizədən kənarlaşdıran “Başakşəhər” isə “Akhisar”la münasibətlərinə aydınlıq gətirəcək. Maraqlıdı ki, bu iki cütlüyün qalibi yarımfinalda üz-üzə gələcək.
Püşkatmaya görə, 1/4 finalda “Kasımpaşa” “Çaykur Rizəspor”la, “Sivasspor” “Konyaspor”la qarşılaşacaq. Bu cütlüklərin də qalibləri yarımfinalın digər cütünü ortaya çıxaracaq.
Qeyd edək ki, 1/4 final mərhələsinin ilk oyunları fevralın 28-də və martın 1-2-də, cavab qarşılaşmaları isə 4-6 mart tarixlərində keçiriləcək.
Oxşar xəbərlər
Ana səhifə
Bütün xəbərlər