UEFA Avropa Liqasının II təsnifat mərhələsinin ilk oyunu çərçivəsində keçiriləcək "Qəbələ" - "Yagelloniya" (Polşa) oyununun biletləri satışa çıxarılır. Apasport.az-ın klubun rəsmi saytına istinadən məlumatına görə, biletləri bu gün saat 15:00-dan etibarən almaq mümkün olacaq.

Azarkeşlər bunun üçün Tofiq Bəhramov adına Respublika Stadionunun və 8-ci km qəsəbə stadionunun kassalarına müraciət edə bilərlər. Qiymətlər sektorlardan asılı olaraq, 1 manat və 2 manat, VİP sektorlar üçün isə 10 manatdı.

Qeyd edək ki, iyulun 13-də 8-ci km qəsəbə stadionunda keçiriləcək "Qəbələ" - "Yagelloniya" matçı saat 21:00-da başlayacaq.

• “Bu, “Bolonya”nın DNT-sində yoxdur”
• Günün oyunları bu kanallarda - TV AFİŞA
• Ançelotti Braziliya millisində antirekorda imza atıb
• 19 yaşlı müdafiəçi daha 4 il “Barselona”da - RƏSMİ
• “Barselona” gənc müdafiəçisi ilə bağlı qərar verdi