U-21-lərdən ibarət yığma komandalar arasında Avropa Çempionatı başa çatıb. Apasport.az saytının məlumatına görə, Polşada təşkil olunan AÇ-2017-nin finalında Almaniya və İspaniya yığmaları qarşılaşıb.

Həlledici matçın taleyini bir qol həll edib. Mitçell Vayzerin 40-cı dəqiqədə vurduğu yeganə qol almanlara qitə çempionluğunu qazandırıb.

Bu, “bundestim”in U-21 yığma səviyyəsində ikinci qitə çempionluğudu. İlk dəfə bu komanda 2009-cu ildə Avropanın ən güclüsü olmuşdu.

Qeyd edək ki, U-21-lərin Avropa birinciliyində ən çox çempion olan komanda İtaliya yığmasıdı (5 dəfə). Bu dəfə finalda uduzan ispanlar isə 4 dəfə qitə çempionu olublar.

• Kroos məşqçiliyə başlayır
• Premyer Liqa klubu satışa çıxarılıb
• “Bu, “Bolonya”nın DNT-sində yoxdur”
• Günün oyunları bu kanallarda - TV AFİŞA
• Ançelotti Braziliya millisində antirekorda imza atıb