UEFA Avropa çempionatında iştirak edən futbolçuların klublarına pul ayırıb. Apasport.az saytının məlumatına görə, qitə futbol qurumu 659 kluba ödəniş ediləcəyini açıqlayıb.

Həmçinin AÇ-2016-nın final mərhələsi üçün rekord sayda klubun Fransaya futbolçu göndərdiyi də vurğulanıb. Qurumun direktoru Corcio Marketti 100 milyon avronun həmin komandalar arasında bölünəcəyini vurğulayıb: “600-dən çox kluba maliyyə ayrılması möhtəşəm hadisədi. Bu, dünya futbolunun inkişafına töhfə verə bilər”.

UEFA-nın ayırdığı puldan “Qarabağ”a da pay düşəcək. Çünki Ağdam təmsilçisinin müdafiəçisi Ansi Aqolli Avropa çempionatında Albaniya yığmasının formasını geyinib.

Qeyd edək ki, daha 50 milyon avro AÇ-2016-nın seçmə mərhələsində iştirak etmiş futbolçuların klubları arasında bölünəcək.

• Mahrezin yeni klubu bəlli oldu - RƏSMİ
• “Difai”də yeni təyinat - RƏSMİ
• “Barselona” və PSJ eyni futbolçunu hədəfləyir
• “Mançester Yunayted” Simeoneni transfer etmək istəyir
• "Samsunspor"da baş məşqçi dəyişikliyi – Xorvatiyalı mütəxəssis gəlir