Azərbaycan kubokunun 1/4 final mərhələsinin ilk oyunu “Neftçi”nin kapitanı Araz Abdullayev üçün əlamətdar olacaq. Apasport.az saytının məlumatına görə, “ağ-qaralar”ın heyətində 2008/09 mövsümündə debüt edən 24 yaşlı yarımmüdafiəçi ölkə kubokunda yubiley matçına çıxacaq.

Belə ki, “Xəzər Lənkəran”la səfər matçı onun bu turnirdə 25-ci oyunu olacaq. Yarımmüdafiəçi indiyədək keçirdiyi 24 qarşılaşmalarda 3 qol vurmağı bacarıb. Abdullayev bütün kubok matçlarını eyni komandada – “ağ-qaralar”ın heyətində keçirib. O, bu göstəricidə “Neftçi”nin indiki heyətində rekordçudu.

Son 3 mövsümdə komandası ilə finala yüksələn yarımmüdafiəçi 2012/13 və 2013/14 mövsümlərində kuboku qazanıb, 2014/15-də isə həlledici matçda titulla vidalaşıb. Legioner həyatı yaşadığından 2011/12 mövsümündə kubok yarışında iştirak etməyən futbolçu komandasının həmin finalda pay sahibi olmayıb.

Qeyd edək ki, “Xəzər Lənkəran” – “Neftçi” oyunu sabah keçiriləcək.

• Rafinya bütün rəqiblərini geridə qoydu
• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı