Avropa Liqasının II təsnifat mərhələsinin MTK – “Qəbələ” oyunu həm futbolumuz, həm də təmsilçimiz üçün əlamətdar olub. Apasport.az saytının məlumatına görə, “qırmızı-qaralar” avrokuboklarda ilk səfər qələbəsini qazanıblar.

10-cu dəfə rəqib meydanında çıxış edən təmsilçimiz 2:1 hesablı qələbə ilə ilki rəsmiləşdirib. Yubiley səfərində qeydə alınan “siftə”yədək təmsilçimi rəqib meydanlarında 3 heç-heçə edib, 6 dəfə uduzmuşdu.

Bu, ümumilikdə Azərbaycan klublarının avrokuboklarda 28-ci səfər qələbəsidi. Macarıstandakı oyunadək 7 komandamız belə qələbə əldə etmişdisə, “Qəbələ” azarkeşlərini rəqib meydanında sevindirən 8-ci təmsilçimiz olub.

MTK üzərindəki qələbə həm də Azərbaycan klublarının avrokuboklarda 70-ci uğuru olub. Bu, 22 illik çıxışlarımız tarixinin 258-ci matçına təsadüf edib. 66 heç-heçə və 122 məğlubiyyəti olan klublarımızın yubiley qələbəsi qazanmasına 12 klubumuz töhfə verib.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA